El fotógrafu conceptual Carlos Quirós (Uviéu, 1970) presenta na galería madrilana Querida Elvira (cai de la Concepción Jerónima) –allugada nun antiguu edificiu nel que vivió Goya– la esposición «Paradox», con 17 obres creaes ente 2020 y 2024 nes que cavilga sobre’l pasu del tiempu, la esistencia y la muerte. En 2023 Quirós, con un trabayu que tien reconocíu con numberosos premios, foi incluyíu pola Federación Europea de Fotógrafos na llista de los diez meyores creadores del continente.