El fotógrafu xixonés Ramón Fernández, Rafer, llogró llevar por tecera vegada un Premiu Nacional de Fotografía «Quijote», que convoca l’Asociación de Fotógrafos Profesionales de Castiella La Mancha. Nesta edición Rafer llogró’l galardón como meyor fotografia de Paisaxe y Naturaleza, mentanto que’l premiu «Quijote» Absolutu llevólu Mary Guillén, una profesional que destacó con una serie fotográfica sobre la sanidá n’África, a caballu ente lo gráfico y lo documental. Los ganadores nes sos respeutives categoríes fueron Álex de Pedro como meyor Fotografia de Boda; meyor semeya, pa Isabel Antelo Silvariño; meyor fotografia Newborn, la de Pilar Muñoz; meyor fotografia ñácaru ya infantil, otorgáu a Javier Mercader; meyor fotografia de llibre creación p’Alejandra Pallarés; y meyor fotografia de PostBoda, a Flora Iglesias.