Ye ampliu l’usu de pequeñes cámares fotográfiques que s’activen automáticamente cuando un animal pasa per delantre d’elles pal siguimientu de la fauna, especialmente mamíferos y aves terrestres. Investigadores de la Universidá d’Uviéu evaluaron dellos protocolos que van permitir llograr tases de detección más precises nos estudios realizaos con estes cámares. L’estudiu foi publicáu na revista Journal of Applied Ecology. Los autores del trabayu sorrayen que meyorar los protocolos pa llograr tases de detección más axustaes ye prioritariu p’amenorgar la incertidume de les estimaciones finales y, d’esta miente, aumentar la fiabilidá de los programes de caltenimientu y xestión de la fauna montesa. Pablo Palencia, investigador del departamentu de Bioloxía d’Organismos y Sistemes de la Universidá d’Uviéu nel Institutu Mistu d’Investigación en Biodiversidá (IMIB), esplicó que los resultaos del modelu óptimu sacáronse en faciendo más de 10.000 simulacros.