100.000 viaxeros más que l’añu anterior
Renfe rexistró 171.400 viaxeros más nos sos servicios d’Alta Velocidá y Llarga Distancia a lo llargo d’estes Navidaes, nel periodu del 20 d’avientu al 7 de xineru, lo que significa un 11 por cientu más que l’añu anterior. En total, 1,7 millones de viaxeros utilizaron trenes AVE, Avlo, Alvia, Euromed, Intercity y AVE Internacional nos sos desplazamientos, según Renfe. Por corredores, la mayor medría de viaxeros rexistróse nel Norte, que xune Galicia, Castiella y Lleón y Asturies con Madrid, con 362.500 viaxeros, cuasi 100.000 más (un 37,6 por cientu más) que nes fiestes navidiegues del añu anterior.
[–>[–>[–>[–>Pero’l corredor más utilizáu polos viaxeros foi’l Sur, con cuasi 426.000 viaxeros, y un crecimientu del 17,7 por cientu al respeutive de la Navidá del añu pasáu, al rexistrar 64.000 viaxeros más, lo que lu asitia como’l segundu corredor que más crez. Pela so parte, el Corredor de Llevante que xune Valencia, Castellón, Alicante y Murcia con Madrid, incrementó’l so númberu de viaxeros en 23.000, un 9,1 por cientu más.
[–>Pa estes fiestes, Renfe ufiertó cerca de 2 millones de places en cerca de 5.800 trenes AVE, Avlo, Alvia, Euromed, Intercity y AVE Internacional pa viaxar por cuenta de les vacaciones de Navidá, del 20 d’avientu al 7 de xineru. Esto dio nuna medría de 186.000 places, un 10,3 por cientu más. Renfe incluyó la nueva ruta Madrid-Sevilla al restu de les esistentes con Málaga, Granda, Alicante, Valencia y Barcelona.
[–>[–>[–>[–>
«Cola ayuda del Gobiernu del Principáu d’Asturies»
[–>[–>[–>
Puedes consultar la fuente de este artículo aquí