el perfil mayoritariu de les families asturianes d’acoyida d’estudiantes
Tener nacionalidá española, vivir n’Uviéu o Xixón y disponer d’una habitación d’usu individual. Esos son los trés requisitos pa poder acoyer a estudiantes internacionales que vienen a Asturies a facer cursos d’español na Universidá d’Uviéu. Unos cursos que s’imparten en La Casa de les Llingües, nel Campus d’Humanidaes d’Uviéu y qu’axunta a más de 400 alumnos de delles universidaes americanes.
Según la vicerrectora d’Internacionalización, Ana Suárez, esti programa d’acoyimientu permite «l’insertamientu na sociedá y cultura asturiana de los alumnos, practicando l’idioma de la que socialicen nun entornu amigable». Una iniciativa que s’entamó fai 12 años y qu’anguaño tien una bolsa de 80 families, toes elles uvieínes.
Perfil de les families
El perfil mayoritariu de los solicitantes son muyeres, que nel 45% de los casos viven soles. Tamién rescamplen los llares que nun tienen fíos conviviendo, que formen el 61,5%. En contraposición, les cases con más de dos fíos suponen el 6,4%. Amás, la edá media de los fíos que viven en families acoyedores ye de 18 años.
Requisitos y remuneraciones
Estos agospiamientos van poder ser de distintos periodos, en función del cursu nel que tea matriculáu l’estudiante (1 mes, 3 meses o 1 añu). Tiempu nel que va tener que disponer d’una habitación propia d’usu individual y esclusivu, que tendrá d’incluyir abondu espaciu d’almacenamientu, llume amañoso, calefacción, armariu y escritoriu con siella (o bien un espaciu de trabayu dientro de la casa).
Estes families tendrán de comprometese a nun acoyer a más d’un alumnu por cursu (de setiembre a agostu), y van recibir una remuneración de 27 euros diarios destinada a compensar los gastos d’agospiamientu y mantención de los estudiantes internacionales.
«Cola ayuda del Gobiernu del Principáu d’Asturies»
Puedes consultar la fuente de este artículo aquí