El profesoráu d’asturianu y eonaviegu actualiza metodoloxíes educatives na Sestaferia
Un total de 107 docentes d’asturianu y eonaviegu participaron el miércoles pasáu na decimosegunda edición de la Sestaferia, un alcuentru anual promovíu pola Conseyería d’Educación pa contribuyir a l’actualización pegagóxica d’esti profesoráu y que se celebró en La Felguera (Llangréu). La xornada tuvo por títulu «Anovación na enseñanza de Llingües. L’asturianu y l’eonaviegu nes nueves etapes educatives. Meyora de les competencies comunicatives».
[–>[–>[–>La direutora xeneral d’Inclusión Educativa y Ordenación, María Dolores Bueno, aseguró na inauguración institucional que’l Gobiernu del Principáu sigue trabayando pa consiguir la especialidá docente d’asturianu y eonaviegu.
[–> [–>[–>«Sabemos que ye una demanda xusta del profesoráu y un pasu imprescindible pa garantizar la estabilidá, la calidá y la reconocencia académica que merecen les nuestres llingües propies, comentó. Poro, esi compromisu forma parte de los nuestros entamos y vamos siguir dando tolos pasos que faigan falta pa facelo realidá», amestó.
[–>[–>[–>
Bueno agradeció’l llabor que de siguío fae esti colectivu docente, que fexo posible dellos llogros históricos, como la introducción nesti cursu de les llingües autóctones nel segundu ciclu d’Infantil y na Escuela Oficial d’Idiomes. Tamién emponderó a los grupos de trabayu específicos pa crear nuevos materiales pedagóxicos, que la so última aportación foi precisamente pa Educación Infantil.
[–>[–>[–>El públicu asistente, compuestu nun 80% por profesoráu d’Infantil y Primaria y el 20% restante, de Secundaria y Bachilleratu, escuchó dos ponencies sobre la novedosa enseñanza de la llingua autóctona na etapa d’Infantil, al cargu de Loreto Díaz, y sobre nuevos materiales disponibles pa desenvolver les competencies comunicatives, de Pablo Rodríguez.
[–>[–>[–>
El programa completóse con dellos talleres práuticos, celebraos nel Espaciu Arkuos y nel CIFP de Caltenimientu de Servicios a la Producción, rellacionaos coles mentaes ponencies y so la supervisión por docentes con acreditada esperiencia. Los participantes ellaboraron, amás, una propuesta didáctica real y espunxéronla a la fin de la xornada, con un premiu a la meyor iniciativa pa cada etapa educativa. La Sestaferia remató con un conciertu del grupu Herbamora.
[–>[–>
[–>«Cola ayuda del Gobiernu del Principáu d’Asturies»
[–>[–>[–>
Puedes consultar la fuente de este artículo aquí