¿Cómo evolucionaron les condiciones de vida n’Asturies? Los que más empeoramos dende 2008
Asturies ye una comunidá autónoma xeneralmente valorada pola so calidá de vida, y asina se reflexa nun de los principales mididores d’esa cualidá, l’Indicador Multidimensional de Calidá de Vida (IMCV), ellaboráu pol Institutu Nacional d’Estadística (INE) a partir del analís de delles circunstancies d’un territoriu. Nel postreru IMCV disponible, del añu 2023, el Principáu apaez na sesta posición, con 102,76 puntos, percima de la media nacional, asitiada en 101,54. Les comunidaes per delantre d’Asturies son Navarra, La Rioxa, Aragón, País Vascu y Cantabria, mentanto que les trés que cierren la clasificación son Galicia, Canaries y Ceuta.
[–>[–>[–>[–>Sicasí, si s’analiza la evolución temporal de los distintos componentes qu’inflúin nel resultáu final del indicador, la situación del Principáu da unes conclusiones menos favorables. L’IMCV calcúlase a partir de nueve variables: condiciones materiales de vida, trabayu, salú, educación, ociu y relaciones sociales, seguridá física y personal, gobernanza y derechos básicos, redolada y mediuambiente y esperiencia xeneral de la vida. De la mesma, la primera d’elles –les condiciones materiales de vida– tien en cuenta factores como les dificultaes de les families p’allegar a fin de mes, les faltes materiales –como, por casu, nun poder dir de vacaciones siquier una selmana al añu, nun poder facer una comida de carne, pollu o pescáu siquier cada dos díes, nun poder encarar gastos imprevistos o nun tener bienes como automóvil, teléfonu o llavadora–, asina como cuestiones rellacionaes cola vivienda como que nun dispongan d’espaciu abondu, que tengan defectos o que los sos gastos representen cuando menos el 40% de la renta del llar.
[–>[–>[–>[–>Ello ye que nel períodu de 15 años trescurríu ente 2008 –añu del españíu de la crisis financiera global qu’al tiempu desencadenó la Gran Recesión n’España– hasta 2023, Asturies foi la comunidá española con mayor cayida porcentual d’eses condiciones materiales de vida. En concretu, baxaron un 2,1%, mentanto que nel conxuntu del país el retrocesu foi del 0,2%. Pela contra, la comunidá con meyor evolución nesti capítulu foi Madrid, con una meyora del 1,4%.
[–>[–>[–>
Nel mentáu períodu, el Principáu tamién sufrió’l mayor deterioru n’otros trés apartaos: trabayu, con una cayida del 0,4% (mentanto que nel país hubo un repique del 1,8%); nel denomináu como «esperiencia xeneral de la vida» (satisfaición global, sentimientos, sentíu y propósitu de la esistencia…), onde reculó un 0,7% (frente al repique nacional del 3%) y, xunto con Cataluña, no que tien que ver con ociu y relaciones sociales, con un esbarrumbu del 6% (equí’l conxuntu del país cayó un 3,2%).
[–>[–>[–>[–>Asturies sí esperimentó progresos n’árees como la educación, con una medría del 7,6% (anque inferior al 10% del promediu nacional), o la salú, onde se creció un 1,8%, una décima perriba del comportamientu del país.
[–>[–>[–>
La evolución de les variables rematen en que, n’Asturies, l’IMCV avanzara malapenes un 0,1% ente 2008 y 2023, el comportamientu más floxu del país xunto col de Murcia y Navarra, mentanto que nel conxuntu d’España l’indicador aumentó un 1,5%.
[–>[–>
Esti analís sobre la calidá de vida vien incluyíu nel últimu Informe de Competitividá Rexonal del Conseyu Xeneral d’Economistes d’España, publicáu n’avientu, y qu’indica que, magar la competitividá d’Asturies avanzó nel exerciciu 2023, entá sigue nel rangu inferior de la clasificación nacional.
[–>[–>[–>[–>
«Cola ayuda del Gobiernu del Principáu d’Asturies»
[–>[–>[–>
Puedes consultar la fuente de este artículo aquí