La ciudá de Barcelona va conceder el V Premiu Hipatia al biólogu y xenetista suecu Svante Pääbo pol so trabayu anovador na secuenciación de xenomes de grupos d’humanos desaniciaos, que revolucionó la comprensión de la evolución humana. El galardón, dotáu con 30.000 euros, estrema a un científicu que yá llogró’l premiu «Princesa» en 2018, el Nobel de Medicina en 2022 y l’honoris causa pola Universidá d’Uviéu va un añu. La so vinculación con Asturies entamó colos sos estudios sobre El Sidrón.