El pesu de la nieve», de Pablo Rodríguez Medina, ganadora del «Premiu de Novela Curtia Andrés Solar Santurio
L’escritor Pablo Rodríguez Medina resultó ganador va una selmana del «Premiu de Novela Curtia Andrés Solar Santurio» cola narración «El pesu de la nieve».
El xuráu del premiu, que convoca la Conceyalía de Cultura del Conceyu de Xixón con una dotación de 3.000 euros, escoyó la novela de Rodríguez Medina d’ente les seis presentaes. D’ella destacaron que se trata d’una novela «mui construyida, con una riqueza lliteraria mui importante y un dominiu del llinguaxe escelente».
Al empar, rescámplase que ye una obra dura, que fala d’una historia de superación, de promeses cumplíes, onde apaecen tradiciones y costumes d’antaño y la crueldá como necesidá de supervivencia, con unos personaxes «perbién definíos y trazaos».
[–>
El xuráu tuvo formáu por Aitor Martínez Valdajos, director de la Fundación Municipal de Cultura de Xixón (FMC); Lourdes Álvarez García, filóloga de la Dirección Xeneral d’Acción Cultural y Normalización Llingüística y escritora; Eloy Antuña Zamarro, responsable del Centru de Referencia de la Cultura y la Llingua Asturiana; Marta Mori, académica de la Llingua Asturiana; María Xosé Rodríguez López, responsable de la Oficina de Normalización Llingüística de Xixón, qu’actuó amás de Secretaria.
Puedes consultar la fuente de este artículo aquí