Dende va trés años y mediu Jessica Álvarez Fernández trabaya como artesana cerera n’Asturies. Ye una de les cuatro qu’esisten como tal nel Principáu, como ella señala. Nacida n’Uviéu y llicenciada n’Alministración de Sistemes Informáticos, trabayó 10 años como téunica d’Apple n’Asturies. «Tuvi unos años pero dexélo, nun me sentía motivada y decidí buscame la vida; soi una persona creativa y quería flexibilidá pa poder desarrolllala», esplica esta entamadora rural que, pocu tiempu dempués, tuvo trabayando un tiempu nuna llibrería n’Uviéu.