Un dispositivu GPS permite siguir l’adaptación d’un ave rapaz emblemática, lliberada n’Asturies depués de cura-y un ala rota
La Conseyería de Mediu Rural y Política Agraria intensificó la llucha contra la persecución illegal de la fauna cola incorporación d’un buzacu a la Rede Centinela d’Asturies, un programa pioneru destináu a protexer la fauna montesa per aciu del siguimientu d’animales recuperaos.
[–>[–>[–>Esta iniciativa ye frutu de la collaboración ente’l Principáu y l’Institutu Mistu d’Investigación de la Biodiversidá, qu’axunta a profesionales de la Universidá d’Uviéu, el Conseyu Superior d’Investigaciones Científiques y l’alministración autonómica. L’oxetivu ye garantizar la supervivencia d’especies clave pal equilibriu ecolóxicu del territoriu.
[–> [–>[–>El buzacu común rescatóse n’agostu nel conceyu de Morcín en sufriendo la francedura del ala derecha que-y torgaba volar. Darréu treslladóse al Centru de Recuperación de Fauna Montesa de Sobrecobio, onde l’exame veterinariu detectó una rotura nos güesos cúbitu y radio que comprometía seriamente la so posibilidá de tornar a la naturaleza.
[–>[–>[–>
L’equipu veterinariu fexo una intervención quirúrxica utilizando una téunica combinada de fixadores internos y esternos. Estos dispositivos retiráronse a poco y a poco al tiempu que l’ave evolucionaba favorablemente. Depués de cinco selmanes de tratamientu, la rapaz pasó a una fase de rehabilitación nun voladeru, onde recuperó la fuerza y el tonu muscular necesariu pa volver al so hábitat natural.
[–>[–>[–>Enantes de la so lliberación, los investigadores decidieron incorporar al exemplar a la Rede Centinela per aciu de la colocación d’un dispositivu GPS qu’unvia información periódica sobre la so localización. Esta teunoloxía permite estudiar los sos movimientos y evaluar l’ésitu de la so reintegración al mediu natural, amás de detectar posibles episodios d’enfermedá o intoxicación.
[–>[–>[–>
L’ave lliberóse n’avientu na zona central d’Asturies y dende entós siguióse la so evolución. Los datos recoyíos indiquen que l’animal ta afayándose correuto al so entornu, lo que confirma l’ésitu de la intervención.
[–>[–>
[–>«Cola ayuda del Gobiernu del Principáu d’Asturies»
[–>[–>[–>
Puedes consultar la fuente de este artículo aquí