El radar más multón d’Asturies dexó de ser el de l’Autovía del Cantábricu (A-8), a l’altura de Quintueles, p’asitiar na Autovía de la Plata (A-66) al so pasu per El Caleyu, nel conceyu de La Ribera. Esti radar fixu, asitiáu nel kilómetru 35,2, multó a la friolera de 26.083 conductores nel añu 2023, el postreru con datos zarraos. El más multón d’España ta na M-40 de Madrid, a l’altura del kilómetru 20,2, nel que cayeron un total de 118.149 conductores. El siguiente ta na Autovía del Mediterráneu, a l’altura de Málaga, nel kilómetru 968,2, onde fueron multaos un total de 66.869. Y na A-15 de Navarra cayeron en 2023 un total de 49.677 conductores que circulaben con escesu de velocidá a l’altura del kilómetru 127,6.