El Principáu va aprobar un programa de 20 beques pa esti cursu pa que mozos que cursen másteres entamen la so carrera investigadora. La Conseyería de Ciencia va financiar con 50.000 euros la llinia d’ayudes al fomentu de vocaciones científiques, que s’empobinen a los alumnos de la Universidá d’Uviéu que collaboren con un grupu d’investigación y realicen un proyeutu venceyáu a los sos estudios de máster y enmarcáu na Estratexa d’Especialización Intelixente (S3). L’Axencia de Ciencia, Competitividá Empresarial ya Innovación Asturiana, Sekuens, resolvió la última convocatoria d’esti programa, nel que participa tamién Ficyt, que nesta edición recibió 69 solicitúes pa 20 places. Les persones beneficiaries van recibir 2.500 caúna pal cursu 2024-25.