La tasa d’enfermeres n’Asturies, meyor que la media española
Asturies tien un poco más de 7 enfermeres por cada 1.000 habitantes y ye una de les ratios más elevaes del conxuntu de les comunidaes, pero entá ta llueñe del promediu na Unión Europea, qu’asitia nun 8,5. Un estudiu del Ministeriu de Sanidá albidra que la proporción media n’España d’enfermeres por cada 1.000 habitantes anda en 6,3, polo que fadría falta contratar a 100.000 profesionales más p’algamar los niveles europeos.
[–>[–>[–>[–>L’estudiu conseña qu’el 85,5% del personal d’enfermería son muyeres y un poco más de la metá tienen menos de 44 años. Ente 2014 y 2022 producióse un aumentu bultable del númberu d’enfemeres per parte de les distintes comunidaes autónomes, pero’l Ministeriu considera que «entá siguen siendo insuficientes si facemos comparanza colos países de la nuesa redolada». El ritmu actual de crecimientu de plantía fadría qu’esa ratio s’alagamare dientro de dos décades, y «ensin tener en cuenta qu’el 39,4% de les enfermeres encuestaes nel estudiu manifestó la intención de dexar l’oficiu nos próximos 10 años».
[–>La ratio d’enfermeres por cada 1.000 habitantes n’Asturies (7,27) asitia perriba de la media. La mayor proporción dase nel País Vascu (8,84) y la menor en Murcia (4,79).
[–>[–>[–>
Tocantes a la tasa d’enfermeres en llabores asistenciales n’equipos d’Atención Primaria, la d’Asturies asitia llixeramente per debaxo del promediu del Sistema Nacional de Salú. Sicasí, Asturies ta ente les comunidaes con una tasa más alta d’enfermeres trabayando n’hospitales, asitiando como la tercer comunidá autónoma.
[–>[–>[–>[–>Coles mesmes, l’estudiu conseña que les enfermeres especialistes reciben un salariu superior a les xeneralistas tantu n’Atención Primaria como Hospitalaria. Nel casu d’Asturies la diferencia salarial ente dambes categoríes ponse nunos 214 euros. Los salarios de les enfermeres asturianes anden alredor de la media. Son les canaries los meyor pagaes y les cántabres y madrilanes les peor retribuíes.
[–>[–>[–>[–>
«Cola ayuda del Gobiernu del Principáu d’Asturies»
[–>[–>[–>
Puedes consultar la fuente de este artículo aquí