L’Asociación del Camín de les Asturies –l’antigua ruta xacobea de los sieglos IX al XI qu’entraba al Principáu pel Puertu de Tarna, pa percorrer tol valle del Nalón y llegar a Uviéu pa enllazar col Camín Primitivu a Santiago de Compostela– yá ta entamada. Llaviana acoyó la xunta pa constituyir la directiva, que preside Rosa Álvarez Campal. Vicepresidentes van ser Carlos Cuesta y Monchu Calvo; secretariu, Alejandro Fernández; y tesoreru, José María Morán. Na xunta propúnxose que los alcaldes del Valle del Nalón seyan miembros natos y Adrián Barbón, presidente honoríficu.