Trés empreses asturianes entraron na llista de les 200 empreses más atractives pa trabayar n’España, un informe qu’ellabora añalmente Merco, el monitor empresarial de reputación corporativa de referencia n’Iberoamérica. La centenaria compañía de tresportes d’orixe asturianu Alsa; Corporación Alimentaria Peñasanta (CAPSA), la sociedá industrial de Central Lechera Asturiana, y EDP, que tien n’Asturies la so sede pa España, figuren nel llistáu d’empreses con mayor capacidá d’atrayer y fidelizar el capital humanu.