Agustín García Benito inauguró esti día, nel patiu de la Escuela d’Arte d’Uviéu, la so nueva esposición, «Ecos», na que cavilga sobre la buelga y la percepción del pasu del tiempu. La esposición, abierta al públicu nel horariu docente del centru –de llunes a vienres, de 8.30 a 14.30 hores–, foi presentada nun actu nel qu’intervinieron el profesor Jorge Jovino y la so direutora, Laura Gutiérrez. Axunta delles pieces escultóriques y pictóriques, de trés series nes qu’Agustín García Benito, vallisoletanu, afincáu n’Uviéu y qu’exerció la docencia na Escuela, tuvo trabayando apocayá, dende la so faceta creativa, como artesanu ya investigador. «Ecos» va permanecer espuesta y abierta al públicu hasta’l 22 de xineru de 2025.