La compañía castropolense Uromac Systems ta suministrando dresines híbrides que van operar en metro de Madrid. Ello ye per aciu d’un contratu con una de les empreses que lleven el caltenimientu de les llinies del ferrocarril soterrañu de la capital d’España y que ye previu al contratu de más de 40 millones d’euros que’l pasáu setiembre firmó Uromac col mesmu Metro de Madrid pa la fabricación de 24 vehículos ferroviarios de mantenimientu, de los que 16 tamién van ser dresines híbrides, que permiten el trabayu d’un xeitu 100% eléctricu, y el restu material rodante auxiliar como vagones y porta-carriles.